சிங்கர் பினான்ஸ் (லங்கா) பிஎல்சியின் பணிப்பாளர் சபையின் தலைவராக 2017 டிசம்பர் 7 அன்று நியமிக்கப்பட்டார்.  

திரு. அரவிந்த பெரேரா அவர்கள் வங்கித்துறையில் 39 ஆண்டுகளுக்கும் மேலான அனுபவத்தைக் கொண்டுள்ளதுடன், 2021 ஜனவரி 1 முதல் சம்பத் வங்கி பிஎல்சியின் முகாமைத்துவப் பணிப்பாளராக கடமையாற்றியுள்ளார். தற்சமயம் அவர் றோயல் செரமிக்ஸ் லங்கா பிஎல்சியின் முகாமைத்துவப் பணிப்பாளராக கடமையாற்றி வருகிறார்.  

பான் ஏசியா வங்கியின் பணிப்பாளர் சபையின் பிரதித் தலைவராகவும், ஹேலிஸ் பிஎல்சி, Hayleys Aventura (Pvt) Ltd, Hayleys Advantis Ltd, Fentons Ltd, Rocell Bathware Ltd மற்றும் SNAPS Residencies (Pvt) Ltd ஆகிய நிறுவனங்களின் பணிப்பாளராகவும் கடமையாற்றி வருகிறார்.  

Institute of Engineers (Sri Lanka) (MIESL) ன் அங்கத்தவரான திரு. பெரேரா அவர்கள், ஒரு பட்டயப் பொறியியலாளரும் Chartered Engineer (C.Eng.) ஆவார். Chartered Institute of Management Accountants (UK) (FCMA) ன் சக அங்கத்தவராகவும், Institute of Bankers– Sri Lanka (FIB) ன் சக அங்கத்தவராகவும் அவர் உள்ளதுடன், முகாமைத்துவ பட்டப்பின் படிப்பு கற்கைநிலையத்தில் (Post Graduate Institute of Management) வணிக நிர்வாக முதுமாணி (MBA) பட்டத்தையும் பெற்றுள்ளார்.  

திரு. பெரேரா அவர்கள் Asian Banker சஞ்சிகையால் “CEO Leadership Achievement Award 2016” விருது வழங்கிக் கௌரவிக்கப்பட்டுள்ளதுடன், ஸ்ரீ ஜெயவர்த்தனபுர பல்கலைக்கழகத்தின் Postgraduate Institute of Management Alumni (PIMA) ன் மதிப்புமிக்க “Platinum Honours - 2014” விருதையும் பெற்றுள்ளார். Association of Professional Bankers இடமிருந்து கௌரவ ஆயுட்கால உறுப்புரிமையுடன், “Award for the Outstanding Contribution to the Banking Industry - 2015” என்ற விருதும் வழங்கி கௌரவிக்கப்பட்டுள்ளார்.  

திருமதி. ஹிராந்தி டி சில்வா அவர்கள் 2024 ஜுலை 10 முதல் அமுலுக்கு வரும் வகையில் நிறைவேற்று அதிகாரமற்ற, சுயாதீன பணிப்பாளராக நியமிக்கப்பட்டார்.

2024 ஜுலை 11 முதல் அமுலுக்கு வரும் வகையில், தொடர்புடைய தரப்பினருடனான பரிவர்த்தனைகள் குறித்த மீளாய்வுச் சபையின் தலைவராகவும், பிரேரிப்புக்கள் மற்றும் ஆட்சி நிர்வாக சபை மற்றும் ஒருங்கிணைந்த இடர் முகாமைத்துவ சபையின் அங்கத்தவராகவும் அவர் நியமிக்கப்பட்டுள்ளார்.  

வங்கிச்சேவையில் ஆழமான அனுபவத்தைக் கொண்டுள்ள திருமதி டி சில்வா அவர்கள், 36 ஆண்டுகளுக்கும் மேலாக இத்துறையில் சேவையாற்றியுள்ளார். 27 ஆண்டுகளாக சம்பத் வங்கியில் தொழில்புரிந்துள்ள அவர், வங்கித் தொழிற்பாடுகள் மற்றும் கடன் தொடர்பான அனைத்து துறைகளையும் உள்ளடக்கி பல்வேறு பதவிகளை வகித்துள்ளதுடன், நிறுவன கடன் பிரிவுக்கு வளர்ச்சி கண்டு, பதவி விலகும் சமயத்தில் நிறுவன கடனுக்கான பிரதிப் பொது முகாமையாளராக சேவையாற்றியுள்ளார். அதனைத் தொடர்ந்து 2024 ல் அவர் ஓய்வுபெறும் வரை கொழும்பு யூனியன் வங்கியில் மொத்த வங்கிச்சேவையின் சிரேஷ்ட உப தலைவராக கடமையாற்றியுள்ளார். அவர் அவுஸ்திரேலியாவின் Edith Cowen University பல்கலைக்கழகத்தில் வணிக நிர்வாக முதுமாணி (MBA) பட்டத்தைப் பெற்றுள்ளார்.    

திரு. அமரசூரிய அவர்கள் 2018 ஜுலை 1 முதல் நிறுவனத்தின் பிரதம நிறைவேற்று அதிகாரியாக நியமிக்கப்பட்டுள்ளார். விரைவாக விற்றுத்தீரும் நுகர்வோர் தயாரிப்புக்கள், நுகர்வோர் பொருட்கள் சந்தைப்படுத்தல், நிதி மற்றும் குத்தகை தொழில்துறைகளில் 20 ஆண்டுகளுக்கும் மேற்பட்ட முகாமைத்துவ அனுபவத்தை அவர் கொண்டுள்ளார்.  

Chartered Institute of Management Accountants (CIMA - UK) ன் அங்கத்தவரும், Association of Chartered Certified Accountants (ACCA - UK), Certified Global Management Accountant (CGMA) ஆகியவற்றின் இணை அங்கத்தவரும், Institute of Marketing இன் பட்டய அங்கத்தவரும் ஆவார். ஐக்கிய இராச்சியத்தின் Leicester பல்கலைக்கழகத்தில் வர்த்தக நிர்வாக முதுமாணி (MBA) பட்டம் பெற்றுள்ள அவர், இலங்கை கடன் முகாமைத்துவ கற்கை நிலையத்தின் (Sri Lanka Institute of Credit Management) அங்கத்தவரும் ஆவார்.    

சிங்கர் பினான்ஸில் இணைவதற்கு முன்னர், Singer India Retail, சிங்கர் (ஸ்ரீலங்கா) பிஎல்சி மற்றும் கார்கில்ஸ் ஃபூட் சிட்டி ஆகியவற்றில் பொறுப்புமிக்க பதவிகளை திரு. அமரசூரிய அவர்கள் வகித்துள்ளார். Saukyadana Movement ன் அறங்காவலர் மற்றும் பொருளாளர் போன்ற கௌரவ பதவிகளையும் அவர் வகிப்பதுடன், Merchant Services Cricket Association ன் தலைவரும் ஆவார்.    

2019 பெப்ரவரி 21 ல் சிங்கர் பினான்ஸ் (லங்கா) பிஎல்சியின் பணிப்பாளர் சபையில் இணைந்து கொண்டார்.

திரு. மகேஷ் விஜேவர்த்தன அவர்கள் 2018 நவம்பர் 1 முதல் அமுலுக்கு வரும் வகையில் சிங்கர் (ஸ்ரீலங்கா) பிஎல்சி மற்றும் அதன் துணை நிறுவனங்களின் நிறைவேற்றுப் பணிப்பாளராகவும், பிரதம நிறைவேற்று அதிகாரியாகவும் நியமிக்கப்பட்டுள்ளார். Southern Queensland பல்கலைக்கழகத்தில் வணிக நிர்வாக முதுமாணிப் பட்டம் பெற்றுள்ள திரு. விஜேவர்த்தன அவர்கள், மிகச் சிறந்த கல்விச் சாதனைக்காக பீடாதிபதியின் விருதை வென்றுள்ளார். இலங்கை திறந்த பல்கலைக்கழகத்தில் பொது முகாமைத்துவத்தில் டிப்ளோமா பட்டத்தையும் அவர் பெற்றுள்ளார். இலங்கை வர்த்தக சம்மேளனத்தின் இறக்குமதிப் பிரிவு மற்றும் இலங்கை-சீனா வர்த்தக சபை ஆகியவற்றின் முன்னாள் பணிப்பாளர் சபைத் தலைவரான திரு. விஜேவர்த்தன அவர்கள், ஹேலிஸ் குழும முகாமைத்துவ சபையின் அங்கத்தவரும் ஆவார்.       

திரு. மகேஷ் விஜேவர்த்தன அவர்கள் 2006 ஜுன் 1 முதல் 2018 ஒக்டோபர் 31 வரை சிங்கர் (ஸ்ரீலங்கா) பிஎல்சியின் பணிப்பாளர் சபையின் மாற்றுப் பணிப்பாளராகவும் கடமையாற்றியுள்ளார்.  

2021 மார்ச் 9 ல் சிங்கர் பினான்ஸ் (லங்கா) பிஎல்சியின் பணிப்பாளர் சபையில் இணைந்து கொண்டார்.  

ஐக்கிய இராச்சியம் பட்டய முகாமைத்துவக் கணக்காளர்கள் கற்கைநிலையத்தின் அங்கத்தவரான திரு. டி சில்வா அவர்கள், இலங்கை பட்டயக் கணக்காளர்கள் கற்கைநிலையத்தின் அங்கத்தவரும், ஐக்கிய இராச்சியம், பட்டய சந்தைப்படுத்தல் கற்கைநிலையத்தின் அங்கத்தவரும் ஆவார். இலங்கையிலும், வெளிநாடுகளிலும் நிதி, விற்பனை மற்றும் சந்தைப்படுத்தல் மற்றும் பொது முகாமைத்துவம் ஆகியவற்றில் பல்வேறு தொழில்துறைகளில் ஆழமான அனுபவத்தை அவர் கொண்டுள்ளதுடன், பிரசித்தி பெற்ற நிறுவனங்களில் பொறுப்பான பதவிகள் பலவற்றையும் வகித்துள்ளார்.  

சிங்கர் குழுமத்தின் பணிப்பாளர் சபைகளில் முன்பு கடமையாற்றியுள்ள திரு. ரணில் டி சில்வா அவர்கள், தற்போது Central Industries PLC, Hayleys Leisure PLC, The Autodrome PLC மற்றும் Lanka Shipping & Logistics (Pvt) Ltd ஆகிய நிறுவனங்களில் பணிப்பாளராகவும் உள்ளார்.

திரு. சமன் ஹேரத் அவர்கள் 2021 செப்டெம்பர் 2 அன்று சிங்கர் பினான்ஸ் (லங்கா) பிஎல்சியின் பணிப்பாளர் சபையில் இணைந்து கொண்டார்.  

வங்கி மற்றும் மருந்து தொழில் துறைகளில் 40 ஆண்டுகளுக்கும் மேலான அனுபவத்தை அவர் கொண்டுள்ளார்.  

2015 ல் சம்பத் வங்கியின் சிரேஷ்ட பிரதிப் பொது முகாமையாளர் பதவியிலிருந்து ஓய்வுபெற்ற திரு. ஹேரத் அவர்கள், 2019 ல் அவரது நியமன காலம் முடிவடையும் வரை சியபத பினான்ஸின் முகாமைத்துவப் பணிப்பாளராக கடமையாற்றியுள்ளார். சியபத பினான்ஸிலிருந்து விலகிய பின்னர் 2021 ல் சிங்கர் பினான்ஸ் (லங்கா) பிஎல்சியின் பணிப்பாளர் சபையில் இணைந்து கொண்டார்.  

ஐக்கிய இராச்சியத்தின் பட்டய முகாமைத்துவக் கணக்காளர்கள் கற்கைநிலையத்தின் அங்கத்தவரான (FCMA, UK) திரு. ஹேரத் அவர்கள், சர்வதேச பட்டய முகாமைத்துவக் கணக்காளரும் (CGMA, UK) ஆவார். இலங்கை வங்கியாளர்கள் கற்கைநிலையத்தின் (Institute of Bankers of Sri Lanka) இணை உறுப்பினருமாவார்.      

2017 டிசம்பர் 7 அன்று சிங்கர் பினான்ஸ் (லங்கா) பிஎல்சியின் பணிப்பாளர் சபையில் அவர் இணைந்து கொண்டார். 2010 ஜனவரியில் ஹேலிஸ் குழுமத்தில் இணைந்த தல்பஹேவ அவர்கள், 2015 நவம்பரில் குழும முகாமைத்துவ சபைக்கு நியமிக்கப்பட்டார். ஹேலிஸ் குழுமத்தின் மனித வளங்கள், சட்ட சேவைகள், நிறுவன தொடர்பாடல்கள் மற்றும் நிலைபேற்றியல் ஆகியவற்றுக்கு அவர் பொறுப்பு வகிக்கின்றார். Hayleys Group Services (Pvt) Ltd மற்றும் HJS Condiments Ltd ஆகிய நிறுவனங்களின் பணிப்பாளராகவும் அவர் கடமையாற்றுகின்றார். கொழும்பு பல்கலைக்கழகத்தில் LL.B. பட்டம் பெற்றுள்ள தல்பஹேவ அவர்கள், இலங்கை சட்டக் கல்லூரியில் First Class Honours Barrister at Law பட்டத்தையும் பெற்றுள்ளார். Northampton பல்கலைக்கழகத்தில் மனிதவள முகாமைத்துவத்தில் முதுமாணிப் பட்டம் பெற்றுள்ள அவர், கொழும்பு பல்கலைக்கழகத்தில் சர்வதேச உறவுகள் மற்றும் சட்டத்தில் முதுமாணிப் பட்டத்தையும் பெற்றுள்ளார்.     

2024 ஏப்ரல் 22 முதல் அமுலுக்கு வரும் வகையில் நிறைவேற்று அதிகாரமற்ற, சுயாதீன பணிப்பாளராக திரு. தம்மிக சிரிவர்த்தன அவர்கள் நியமிக்கப்பட்டுள்ளார். கணக்காய்வுச் சபை, மனித வளங்கள் மற்றும் ஊதிய சபை ஆகியவற்றின் தலைவராகவும், தொடர்புபட்ட தரப்பினருடனான பரிவர்த்தனைகள் மீளாய்வு சபை, கூட்டு இடர் சபை மற்றும் முகாமைத்துவ சபை ஆகியவற்றின் அங்கத்தவராகவும் 2024 ஜுலை 11 முதல் அமுலுக்கு வரும் வகையில் அவர் நியமிக்கப்பட்டுள்ளார்.   

திரு. சிரிவர்த்தன அவர்கள் இதற்கு முன்னர் ஹேலிஸ் குழுமத்தின் பிரதி குழும பிரதம நிறைவேற்று அதிகாரியாக கடமையாற்றியுள்ளார். நிதி, மூலோபாய திட்டமிடல், முகாமைத்துவ கணக்காய்வு, காப்புறுதி மற்றும் நிதி முகாமைத்துவம் ஆகிய துறைகளில் 35 ஆண்டுகள் கொண்ட நீண்ட தொழில் அனுபவத்தை அவர் கொண்டுள்ளார். திரு. சிரிவர்த்தன அவர்கள் இலங்கை பட்டயக் கணக்காளர்கள் கற்கை நிலையத்தின் அங்கத்தவராவார்.